Stock Market Highlights : ಇರಾನ್ ಹಾಗೂ ಇಸ್ರೇಲ್ ನಡುವಿನ ಯುದ್ಧದ ನಡುವೆ ಭಾರತದ ಷೇರು ಮಾರುಕಟ್ಟೆ ಸೂಚ್ಯಂಕವು ಸತತ ನಷ್ಟದಿಂದ ಚೇತರಿಸಿಕೊಂಡಿದೆ.
ಕಳೆದ ಕೆಲವು ಸೆಷನ್‌ಗಳಲ್ಲಿ ಇಳಿಕೆಗೆ ಸಾಕ್ಷಿಯಾಗಿದ್ದ ಸೆನ್ಸೆಕ್ಸ್ ಹಾಗೂ ನಿಫ್ಟಿ ಸೂಚ್ಯಂಕವು ಸೋಮವಾರ ಜಿಗಿತ ಸಾಧಿಸಿದೆ. ಎರಡು ಪ್ರಮುಖ ಸೂಚ್ಯಂಕಗಳು ಸುಮಾರು 1% ನಷ್ಟು ಹೆಚ್ಚಾಗಿವೆ.
ಸೆನ್ಸೆಕ್ಸ್ ಮಾರುಕಟ್ಟೆ ಮುಕ್ತಾಯಕ್ಕೆ 677 ಪಾಯಿಂಟ್ಸ್ ಅಥವಾ 0.84% ಏರಿಕೆಗೊಂಡು 81,796 ಮಾರ್ಕ್‌ನಲ್ಲಿ ಕೊನೆಗೊಂಡಿದೆ. ಇದೇ ವೇಳೆಯಲ್ಲಿ ನಿಫ್ಟಿ 50 ಸೂಚ್ಯಂಕವು 227.90 ಪಾಯಿಂಟ್ಸ್ ಅಥವಾ 0.90% ಹೆಚ್ಚಾಗಿ 24,946.50 ಮಾರ್ಕ್‌ನಲ್ಲಿ ಮುಚ್ಚಿದೆ. ನಿಫ್ಟಿ ಮಿಡ್‌ಕ್ಯಾಪ್ 100 ಮತ್ತು ನಿಫ್ಟಿ ಸ್ಮಾಲ್‌ಕ್ಯಾಪ್ 100 ಸೂಚ್ಯಂಕವು ಶೇಕಡಾ 1ರಷ್ಟು ಇಂದು ಏರಿಕೆಯಾಗಿದೆ.
ಭಾರತದ ಷೇರುಪೇಟೆ ಏರಿಕೆಗೆ ಪ್ರಮುಖ ಕಾರಣವೇನು?
ಇಸ್ರೇಲ್ ಹಾಗೂ ಇರಾನ್ ದೇಶದ ಸಂಘರ್ಷದಿಂದಾಗಿ ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನತೆ ಹೆಚ್ಚಾಗಿದ್ದು, ಕಚ್ಚಾ ತೈಲ ಬೆಲೆ ಏರಿಕೆಯಾಗತೊಡಗಿದೆ. ಹೀಗಿರುವಾಗ ಭಾರತದ ಷೇರು ಮಾರುಕಟ್ಟೆ ಸೋಮವಾರ ಜಿಗಿಯಲು ಐದು ಪ್ರಮುಖ ಕಾರಣಗಳನ್ನು ಕಾರಣಬಹುದಾಗಿದೆ. ಷೇರು ಮಾರುಕಟ್ಟೆ ತಜ್ಞರು ನೀಡಿರುವ ಈ 5 ಕಾರಣಗಳು ಮಾರುಕಟ್ಟೆ ಜಿಗಿಯುವಂತೆ ಮಾಡಿದೆ.
1) ಇಸ್ರೇಲ್-ಇರಾನ್ ನಡುವೆ ಕದನ ವಿರಾಮದ ಭರವಸೆ!
ಮಾರುಕಟ್ಟೆ ತಜ್ಞರ ಪ್ರಕಾರ ಯುಎಸ್ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಯುದ್ದೋನ್ಮಾನ ದೇಶಗಳಾದ ಇರಾನ್-ಇಸ್ರೇಲ್ ನಡುವೆ ಶಾಂತಿ ಮಾತುಕತೆಗೆ ಮುಂದಾಗಬಹುದು ಎಂದು ಅಂದಾಜಿಸಿದ್ದಾರೆ. ಟ್ರಂಪ್ ಈಗಾಗಲೇ ಈ ಕುರಿತಾಗಿ ಹಿಂಟ್ ನೀಡಿದ್ದು, ಎರಡು ದೇಶಗಳ ನಡುವಿನ ಉದ್ವಿಗ್ನತೆ ತಗ್ಗಿಸಲು ಶ್ರಮಿಸಬಹುದು.
ಡೊನಾಲ್ಡ್ ಟ್ರಂಪ್ ಸಾಮಾಜಿಕ ಜಾಲತಾಣದ ಪ್ಲಾಟ್‌ಫಾರ್ಮ್ ಟ್ರೂತ್‌ ಸೋಶಿಯಲ್‌ನಲ್ಲಿ ಇಸ್ರೇಲ್-ಇರಾನ್ ಸಂಘರ್ಷದ ಕುರಿತು ಪೋಸ್ಟ್ ಮಾಡಿದ್ದು, ಎರಡು ದೇಶಘಳು ಮಾತುಕತೆಗೆ ಕುಳಿತುಕೊಳ್ಳಬೇಕು ಮತ್ತು ವ್ಯಾಪಾರವನ್ನು ಬಳಸಿಕೊಂಡು ಒಪ್ಪಂದ ಮಾಡಿಕೊಳ್ಳಬೇಕು. ಅದೇ ರೀತಿಯಲ್ಲಿ ಅವರು ಭಾರತ ಹಾಗೂ ಪಾಕಿಸ್ತಾನ ನಡುವಿನ ಸಂಘರ್ಷದಲ್ಲಿ ಮುನ್ನಲೆಗೆ ತಂದಿದ್ದರು ಎನ್ನಲಾಗಿದೆ.
2) ಓವರ್‌ಸೋಲ್ಡ್ ಮಾರುಕಟ್ಟೆಯಲ್ಲಿ ಶಾರ್ಟ್ ಕವರಿಂಗ್
ಮಾರುಕಟ್ಟೆ ತಜ್ಞರ ಪ್ರಕಾರ ಹೂಡಿಕೆದಾರರು ಶಾರ್ಟ್ ಕವರಿಂಗ್ ಮುಂದಾಗಿದ್ದಾರೆ. ದೇಶೀಯ ಮಾರುಕಟ್ಟೆಯಲ್ಲಿ ಹೆಚ್ಚಿನ ಮಾರಾಟ ಕಂಡುಬಂದಿದ್ದು, ಹೀಗಾಗಿ ಹೂಡಿಕೆದಾರರು ಶಾರ್ಟ್ ಕವರಿಂಗ್ ಮಾಡಿದ್ದಾರೆ.
”ಅನಿಶ್ಚತತೆ ವೇಳೆಯಲ್ಲಿ ಮಾರುಕಟ್ಟೆಯು ಓವರ್‌ಸೋಲ್ಡ್‌ಗೆ ಸಾಕ್ಷಿಯಾದಾಗ ದೀರ್ಘಾವಧಿ ಹೂಡಿಕೆದಾರರಿಗೆ ಖರೀದಿ ಅವಕಾಶವನ್ನು ಸೃಷ್ಟಿಸುತ್ತದೆ ಎಂಬುದು ಹಿಂದಿನ ಅನುಭವ ಹೇಳುತ್ತದೆ. ಆದ್ರೆ ಈ ಬಾರಿಯ ವ್ಯತ್ಯಾಸ ಏನೆಂದರೆ ರಿಸ್ಕ್‌ ಹೆಚ್ಚು ಈಕ್ವಿಟಿ ಮಾರಾಟಕ್ಕೆ ದಾರಿ ಮಾಡಕೊಡಲಿಲ್ಲ. ದೀರ್ಘಾವಧಿ ಹೂಡಿಕೆದಾರರು ಈ ಅಪಾಯ-ಮುಕ್ತ ಸನ್ನಿವೇಶವನ್ನು ಬಳಸಿಕೊಂಡು ಆಕರ್ಷಕ ಮೌಲ್ಯದ ಷೇರುಗಳನ್ನು ಖರೀದಿಸಬಹುದು” ಎಂದು ಜಿಯೋಜಿತ್‌ ಇನ್ವೆಸ್ಟ್‌ಮೆಂಟ್‌ ಮುಖ್ಯ ಸ್ಟ್ರಾಟರ್ಜಿಸ್ಟ್‌ ಇನ್ವೆಸ್ಟರ್ ವಿ.ಕೆ. ವಿಜಯ್‌ಕುಮಾರ್ ಹೇಳಿದ್ದಾರೆ.
3) ಕಚ್ಚಾ ತೈಲ ಬೆಲೆಯು ಸ್ಥಿರವಾಗಿದೆ!
ಇಸ್ರೇಲ್-ಇರಾನ್ ಸಂಘರ್ಷದಿಂದ ಕಳೆದ ಶುಕ್ರವಾರ ಕಚ್ಚಾ ತೈಲ ಬೆಲೆಯು ವೇಗವಾಗಿ 7% ಏರಿಕೆಗೊಂಡಿದ್ದು, ಭಾರತದ ಮಾರುಕಟ್ಟೆ ಮೇಲೆ ಪರಿಣಾಮ ಬೀರಿತ್ತು. ಆದ್ರೆ ತಜ್ಞರ ಪ್ರಕಾರ ಬ್ರೆಂಟ್ ಕಚ್ಚಾ ತೈಲವು ಪ್ರತಿ ಬ್ಯಾರೆಲ್‌ಗೆ $80 ಬ್ಯಾರೆಲ್‌ಗಿಂತ ಕಡಿಮೆಯಾಗಿ ಉಳಿದಿದೆ. ಇದು ಆಮದು ವೆಚ್ಚ ಮತ್ತು ಕಾರ್ಪೊರೇಟ್‌ ಲಾಭದಾಯಕತೆಯ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರುವ ಸಾಧ್ಯತೆಯಿಲ್ಲ.
4) ಅನುಕೂಲಕರ ಮ್ಯಾಕ್ರೋದಿಂದಾಗಿ ಆಧಾರವಾಗಿರುವ ಭಾವನೆಯು ಸಕಾರಾತ್ಮಕವಾಗಿ ಉಳಿದಿದೆ!
ಭಾರತದ ದಾಖಲೆಯ ಪ್ರಮಾಣದ ಹಣದುಬ್ಬರ ಇಳಿಕೆ ಹಾಗೂ ಈ ವರ್ಷದ ಹೆಚ್ಚಿನ ಮಾನ್ಸೂನ್ ನಿರೀಕ್ಷೆಗಳ ಮಧ್ಯೆ ದೇಶದ ಪ್ರಕಾಶಮಾನವಾದ ಮ್ಯಾಕ್ರೋ ಔಟ್‌ಲುಕ್‌ ಮಾರುಕಟ್ಟೆಯ ಮಧ್ಯಮ ಮತ್ತು ದೀರ್ಘಾವಧಿಯ ನಿರೀಕ್ಷೆಗಳನ್ನು ಸಕಾರಾತ್ಮಕವಾಗಿ ಇರಿಸಿದೆ.
ವಿಶ್ವ ಬ್ಯಾಂಕ್ ಪ್ರಕಾರ 2026ರ ಹಣಕಾಸು ವರ್ಷದಲ್ಲಿ ಭಾರತದ ಆರ್ಥಿಕತೆಯು 6.3 ಪರ್ಸೆಂಟ್‌ನಲ್ಲಿ ಬೆಳೆಯುವ ನಿರೀಕ್ಷೆಯಿದ್ದು, ವಾರ್ಷಿಕವಾಗಿ ಶೇಕಡಾ 6ಕ್ಕಿಂತ ಹೆಚ್ಚು ಬೆಳವಣಿಗೆ ಸಾಧಿಸುತ್ತಿರುವ ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಆರ್ಥಿಕತೆಯಾಗಿದೆ. ಇದ್ರ ಜೊತೆಗೆ 2027ರ ಹಣಕಾಸು ವರ್ಷದಲ್ಲಿ ಬೆಳವಣಿಗೆ ವೇಗ ಹೆಚ್ಚಲಿದ್ದು 6.5 ಪರ್ಸೆಂಟ್ ಹಾಗೂ 2028ರ ಹಣಕಾಸು ವರ್ಷದಲ್ಲಿ 6.7 ಪರ್ಸೆಂಟ್ ನಿರೀಕ್ಷಿಸಬಹುದು ಎಂದು ವಿಶ್ವ ಬ್ಯಾಂಕ್ ಅಂದಾಜಿಸಿದೆ.
5) ತಾಂತ್ರಿಕ ಕಾರಣ
ನಿಫ್ಟಿ 50 ಸೂಚ್ಯಂಕವು 24,950 ಹಂತವನ್ನು ಈ ಸೆಷನ್‌ನಲ್ಲಿ ಮರಳಿ ಸಂಪಾದಿಸಿದೆ.
ಕೋಟಕ್ ಸೆಕ್ಯುರಿಟೀಸ್‌ನ ಈಕ್ವಿಟಿ ರಿಸರ್ಚ್‌ ಮುಖ್ಯಸ್ಥ ಶ್ರೀಕಾಂತ್ ಚೌಹಾಣ್ ಪ್ರಕಾರ ಸೂಚ್ಯಂಕವು 24,750ರ ಮಾರ್ಕ್‌ ಬ್ರೇಕ್‌ ಮಾಡುತ್ತಿದ್ದಂತೆ ಮುಂದಿನ ಹಂತ 24,950-25,000 ಹಂತಕ್ಕೆ ಜಿಗಿತ ಸಾಧಿಸಿದೆ
ಇವತ್ತಿನ ಟ್ರೆಂಡ್‌ನ ಪ್ರಮುಖ ಹಂತವು 24,649ನಲ್ಲಿದ್ದು, ಈ ಹಂತದಿಂದ ಮೇಲಕ್ಕೆ ಚಲಿಸಿದ್ದರಿಂತ ಈಗ ಅದು 24,824-24,930-25,106 ಹಂತಗಳಿಗೆ ಜಿಗಿತ ರ್ಯಾಲಿ ಕಾಣಲಿದೆ ಎಂದು ಆಕ್ಸಿಸ್ ಸೆಕ್ಯುರಿಟೀಸ್‌ನ ಅನಾಲಿಸ್ಟ್‌ ವಿಶ್ಲೇಷಿಸಿದ್ದಾರೆ.