ಮುಂಡಗೋಡಿನ NMD ಜಮೀರ್ ಕಿಡ್ನ್ಯಾಪ್ ಕೇಸಲ್ಲಿ ಪೊಲೀಸ್ರು ಮತ್ತಿಬ್ಬರು ಆರೋಪಿಗಳ ಹೆಡೆಮುರಿ ಕಟ್ಟಿದ್ದಾರೆ. ಕೇಸಿನ ಬಹುತೇಕ ಮಾಸ್ಟರ್ ಮೈಂಡ್ ಅಂತಲೇ ಹೇಳಲಾಗಿರೋ ಇಬ್ಬರು ಆರೋಪಿಗಳನ್ನು ದೂರದ ಮುಂಬಯಿಂದ ಎಳೆದು ತಂದಿದ್ದಾರೆ. ಈ ಮೂಲಕ ಕೇಸಿನ ಬಹುತೇಕ ಎಲ್ಲಾ ಆರೋಪಿಗಳನ್ನು ಬಂಧಿಸಿದಂತಾಗಿದೆ.
ಅಂದಹಾಗೆ, ಫಯಾಜ್ ಬಿಜಾಪುರ್ ಹಾಗೂ ಸಾದಿಕ್ ವಾಲಿಕಾರ್ ಬಂಧಿತರು. ಸಣ್ಣದೊಂದು ಸುಳಿವಿನ ಮೇರೆಗೆ ಕಾರ್ಯಾಚರಣೆ ನಡೆಸಿರೋ ಮುಂಡಗೋಡ ಪೊಲೀಸ್ರು ಮಹಾರಾಷ್ಟ್ರದ ಮುಂಬಯಿಯಲ್ಲಿ ಆರೋಪಿಗಳನ್ನು ಬಂಧಿಸಿದ್ದಾರೆ.
ದಿನಾಂಕ:-11/01/2024 ರಂದು ಆರೋಪಿರಾದ 1].ಅಲ್ಲಾಹುದ್ದೀನ್ @ ರಹೀಮ್ ತಂದೆ ಮಹಮ್ಮದ್ ಜಾಪರ್ ರಜ್ಜಬಅಲಿ 2].ಅಜಯ @ ಅಜ್ಯಾ ತಂದೆ ಪಕ್ಕೀರಪ್ಪ ಮಡ್ಲಿ (ದಿನಾಂಕ:-20/01/2025) G].ಸಾಗರ ತಂದೆ ನಾಗರಾಜ ಕಲಾಲ್ 4) ಹನನ್ ತಂದೆ ಮೈನುದ್ದಿನ ಕಿಲ್ಲೆದಾರ 5).ದಾದಾಪೀರ ತಂದೆ ಅಲ್ಲಾಭಕ್ಷ ಬಿಜಾಪೂರ 6].ಖಾಜಾಮೊಹಿದ್ದಿನ ತಂದೆ ಮಹಮ್ಮದಹನೀಪ್ ಬೀಜಾಪೂರ 7].ಉಮೇಜ್‌ವುಲ್ಲಾ ತಂದೆ ಪೈಜುಲ್ಲಾ ಬೇಪಾರಿ 8].ಅಲ್ತಾಪ್ ತಂದೆ ರಿಯಾಜ್‌ ಅಹ್ಮದ್ ಬೇಪಾರಿ 9].ರಹಮತ್ ತಂದೆ ಮೆಹಬೂಬಸಾಬ ಧಾರವಾಡ 10]ಅವೇಜ್ ತಂದೆ ಪೈಜುಲ್ಲಾ ಬೇಪಾರಿ 13].ಸಂಜು ತಂದೆ ಅರ್ಜುನ ನವಲೆ (ದಿನಾಂಕ:- 19/01/2025) ಇವರನ್ನು ದಸ್ತಗಿರಿ ಮಾಡಿ ಆರೋಪಿತರಿಂದ ದರೋಡೆ ಮಾಡಿದ 18.20.000/-ರೂ ಹಣದಲ್ಲಿ ಒಟ್ಟು 17,75.500/-ರೂ ಹಣವನ್ನು ಜಪ್ತು ಪಡಿಸಿಕೊಂಡಿದ್ದು ಇರುತ್ತದೆ.
ಈ ಪ್ರಕರಣದಲ್ಲಿ ತಲೆಮರಿಸಿಕೊಂಡಿದ್ದ ಆರೋಪಿತರಾದ ಶಬ್ಬಿರ್ ಅಹ್ಮದ @ ಪೈಯಾಜ್ ತಂದೆ ಮಹ್ಮದಹನೀಪ್ ಬಿಜಾಪೂರ ಹಾಗೂ ಸಾದೀಕ್ ತಂದೆ ದಾವಲಸಾಬ ವಾಲೀಕಾರ ಎಂಬು ಇಬ್ಬರನ್ನು ಅರೆಸ್ಟ ಮಾಡಿದ್ದಾರೆ.
ಖಡಕ್ ಎಸ್ಪಿ ನಾರಾಯಣ್ , ಶಿರಸಿ ಡಿವೈ ಎಸ್ಪಿ ಗಣೇಶ ಕೆ.ಎಲ್ ಮಾರ್ಗದರ್ಶನದಲ್ಲಿ ಮುಂಡಗೋಡ ಪಿಐ ರಂಗನಾಥ್ ನೀಲಮ್ಮನವರ್ ನೇತೃತ್ವದಲ್ಲಿ ಪಿ.ಎಸ್.ಐಗಳಾದ ಪರಶುರಾಮ ಮಿರ್ಜಗಿ, ಹನುಮಂತ ಕುಡಗುಂಟಿ ಹಾಗೂ ಸಿಬ್ಬಂದಿಯವರಾದ ಅನ್ವರಖಾನ ಇಸ್ಮಾಯಿಲ್ ಖಾನ, ಕೋಟೇಶ್ವರ ನಾಗರವಳ್ಳಿ,ಮಹಾಂತೇಶ ಮುಧೋಳ, ತಿರುಪತಿ ಚೌಡಣ್ಣನವರ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು.