ಮುಂಡಗೋಡ: ತಾಲೂಕಿನ ಚೌಡಳ್ಳಿ ಗ್ರಾಮ ಪಂಚಾಯತಿಯಲ್ಲಿ ಇಂದು ನಡೆಯಬೇಕಿದ್ದ, ಅವಿಶ್ವಾಸ ಗೊತ್ತುವಳಿ ಮಂಡನಾ ಸಭೆ ರದ್ದಾಗಿದೆ. ಅಧ್ಯಕ್ಷೆ ನೇತ್ರಾವತಿ ಬಿಸವಣ್ಣವರ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿ ಇವತ್ತಿಗೆ ಹತ್ತು ದಿನವಾದ ಹಿನ್ನೆಲೆ ರಾಜೀನಾಮೆ ಅಂಗೀಕಾರವಾಗಿದೆ.
ಅಂದಹಾಗೆ, ಇಂದು ನಿಗದಿಯಾಗಿದ್ದ “ಅವಿಶ್ವಾಸ” ಸಭೆಗೆ ಬಿಜೆಪಿ ಬೆಂಬಲಿತ 9 ಜನ ಸದಸ್ಯರು ಹಾಜರಾಗಿದ್ದರು. ಚೌಡಳ್ಳಿ ಗ್ರಾಮ ಪಂಚಾಯತಿಯಲ್ಲಿ ಸೇರಿದ್ದ ಸದಸ್ಯರಿಗೆ ಮುಂಡಗೋಡ ತಹಶೀಲ್ದಾರ್ ಶಂಕರ್ ಗೌಡಿ ಎಸಿ ಯವರ ತಿಳುವಳಿಕೆ ಪತ್ರ ತಂದ ಹಿನ್ನೆಲೆಯಲ್ಲಿ ಸಭೆ ರದ್ದು ಪಡಿಸಿದ್ರು.
ಈ ವೇಳೆ ಪಿಎಲ್ ಡಿ ಬ್ಯಾಂಕ್ ಅಧ್ಯಕ್ಷ ವಾಯ್. ಪಿ. ಪಾಟೀಲ್, ಯುವ ಮೋರ್ಚಾ ಸದಸ್ಯ ವೈ ಪಿ ಭುಜಂಗಿ , ಪಿ ಜಿ ಪಾಟೀಲ್, ಅರ್ಜುನಪ್ಪ ಸಿಂಗನಹಳ್ಳಿ, ಆರ್. ಆರ್. ವಾಲ್ಮೀಕಿ, ರವಿ ವಾಲ್ಮೀಕಿ , ಪರಶುರಾಮ್ ತಹಶೀಲ್ದಾರ್, ಮುನೀರ್ ಖಾನ್ ಪಠಾಣ್, ವಿಟ್ಟು ಗಾವಡೆ ಸೇರಿ ಹಲವರು ಉಪಸ್ಥಿತರಿದ್ದರು.