Stock Market News:ದೇಶದ ಪ್ರಮುಖ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮಂಗಳವಾರ 625 ಪಾಯಿಂಟ್ಸ್ ಅಥವಾ 0.76 ಪರ್ಸೆಂಟ್ ನಷ್ಟದೊಂದಿಗೆ 81,551.63 ಮಾರ್ಕ್‌ನಲ್ಲಿ ಕೊನೆಗೊಂಡಿದೆ. ನಿಫ್ಟಿ 50 ಸೂಚ್ಯಂಕವು 175 ಪಾಯಿಂಟ್ಸ್ ಅಥವಾ 0.70 ಪರ್ಸೆಂಟ್ ಕುಸಿದು 24,826.20 ಮಾರ್ಕ್‌ನಲ್ಲಿ ಮುಚ್ಚಿದೆ.
ಇದೇ ವೇಳೆಯಲ್ಲಿ ಮಿಡ್ ಹಾಗೂ ಸ್ಮಾಲ್‌ ಕ್ಯಾಪ್ ಸ್ಟಾಕ್‌ಗಳು ಔಟ್‌ಪರ್ಫಾಮ್ ಆಗಿವೆ. ಬಿಎಸ್‌ಇ ಮಿಡ್‌ಕ್ಯಾಪ್ ಮತ್ತು ಸ್ಮಾಲ್‌ಕ್ಯಾಪ್ ಸೂಚ್ಯಂಕವು 0.18 ಪರ್ಸೆಂಟ್ ಹಾಗೂ 0.19 ಪರ್ಸೆಂಟ್ ಏರಿಕೆಯಾಗಿವೆ.
ಹೂಡಿಕೆದಾರರಿಗೆ 1 ಲಕ್ಷ ಕೋಟಿ ರೂಪಾಯಿ ನಷ್ಟ!
ಷೇರು ಮಾರುಕಟ್ಟೆ ಹೂಡಿಕೆದಾರರು ಷೇರು ಮಾರುಕಟ್ಟೆ ಕುಸಿತದಿಂದಾಗಿ ಮಂಗಳವಾರ 1 ಲಕ್ಷ ಕೋಟಿ ರೂಪಾಯಿ ನಷ್ಟವನ್ನು ಅನುಭವಿಸಿದ್ದಾರೆ. ಬಿಎಸ್‌ಇ ಮಾರುಕಟ್ಟೆ ಮೌಲ್ಯವು ಕಳೆದ ಸೆಷನ್‌ನ 445 ಲಕ್ಷ ಕೋಟಿ ರೂಪಾಯಿಗಳಿಂದ 444 ಲಕ್ಷ ಕೋಟಿ ರೂಪಾಯಿಗೆ ಕುಸಿತ ಕಂಡಿದೆ.
ಭಾರತದ ಷೇರು ಮಾರುಕಟ್ಟೆಯ 10 ಪ್ರಮುಖ ಹೈಲೈಟ್ಸ್‌.
1) ದುರ್ಬಲ ಜಾಗತಿಕ ಸೂಚನೆ, ಫ್ರಾಫಿಟ್ ಬುಕಿಂಗ್‌
ದುರ್ಬಲ ಜಾಗತಿಕ ಸೂಚನೆಗಳು, ಹೊಸ ಸಕಾರಾತ್ಮಕ ಪ್ರಚೋದಕಗಳ ಕೊರತೆ, ಹಿಗ್ಗಿಸಲಾದ ಮೌಲ್ಯಮಾಪನಗಳು ಮತ್ತು ಕ್ಷೀಣಿಸುತ್ತಿರುವ ವಿದೇಶಿ ಬಂಡವಾಳದ ಒಳಹರಿವು ಸೂಚ್ಯಂಕಗಳ ಕುಸಿತಕ್ಕೆ ಪ್ರಮುಖ ಕಾರಣಗಳಾಗಿವೆ.
“ಮೌಲ್ಯಮಾಪನ ಕಾಳಜಿಗಳು ಮತ್ತು ಏಷ್ಯನ್ ಮಾರುಕಟ್ಟೆಗಳಲ್ಲಿನ ದೌರ್ಬಲ್ಯದಿಂದಾಗಿ ಹೂಡಿಕೆದಾರರು ಪ್ರಾಫಿಟ್ ಬುಕಿಂಗ್‌ ಆರಿಸಿಕೊಂಡಿದ್ದರಿಂದ ದೇಶೀಯ ಮಾರುಕಟ್ಟೆಯು ಚಂಚಲತೆಯನ್ನು ಕಂಡಿತು ಮತ್ತು ಎರಡು ದಿನಗಳ ರ್ಯಾಲಿಯನ್ನು ಸ್ಥಗಿತಗೊಳಿಸಿತು” ಎಂದು ಜಿಯೋಜಿತ್ ಇನ್ವೆಸ್ಟ್‌ಮೆಂಟ್ಸ್ ಲಿಮಿಟೆಡ್‌ನ ಮುಖ್ಯಸ್ಥ ವಿನೋದ್ ನಾಯರ್ ಹೇಳಿದ್ದಾರೆ.
2) ನಿಫ್ಟಿ50 ಸೂಚ್ಯಂಕದ ಟಾಪ್ ಗೇನರ್ಸ್‌
ನಿಫ್ಟಿ 50 ಸೂಚ್ಯಂಕದಲ್ಲಿ ಕೇವಲ 10 ಷೇರುಗಳು ಮಾತ್ರ ಹಸಿರು ಬಣ್ಣದಲ್ಲಿ ಕೊನೆಗೊಂಡಿವೆ. ಜಿಯೋ ಫೈನಾನ್ಷಿಯಲ್ ಸರ್ವೀಸಸ್ (ಶೇಕಡಾ 3.87 ರಷ್ಟು ಏರಿಕೆ), ಇಂಡಸ್‌ಇಂಡ್ ಬ್ಯಾಂಕ್ (ಶೇಕಡಾ 2.61 ರಷ್ಟು ಏರಿಕೆ) ಮತ್ತು ಟ್ರೆಂಟ್ (ಶೇಕಡಾ 0.80 ರಷ್ಟು ಏರಿಕೆ) ಟಾಪ್ ಗೇನರ್‌ಗಳಾಗಿವೆ.
3) ನಿಫ್ಟಿ50 ಸೂಚ್ಯಂಕದ ಟಾಪ್ ಲೂಸರ್ಸ್
ಅಲ್ಟ್ರಾಟೆಕ್ ಸಿಮೆಂಟ್ (ಶೇಕಡಾ 2.28 ರಷ್ಟು ಕುಸಿತ), ಜೆಎಸ್‌ಡಬ್ಲ್ಯೂ ಸ್ಟೀಲ್ (ಶೇಕಡಾ 2.02 ರಷ್ಟು ಕುಸಿತ) ಮತ್ತು ಐಟಿಸಿ (ಶೇಕಡಾ 1.85 ರಷ್ಟು ಕುಸಿತ) ಟಾಪ್ ನಷ್ಟ ಅನುಭವಿಸಿದ ಷೇರುಗಳಾಗಿವೆ.
4) ವಲಯವಾರು ಏರಿಳಿತ
ನಿಫ್ಟಿ ಪಿಎಸ್‌ಯು ಬ್ಯಾಂಕ್ (ಶೇಕಡಾ 0.26 ರಷ್ಟು ಏರಿಕೆ), ರಿಯಾಲ್ಟಿ (ಶೇಕಡಾ 0.24 ರಷ್ಟು ಏರಿಕೆ) ಮತ್ತು ಫಾರ್ಮಾ (ಶೇಕಡಾ 0.11 ರಷ್ಟು ಏರಿಕೆ) ಹೊರತುಪಡಿಸಿ, ಎಲ್ಲಾ ವಲಯ ಸೂಚ್ಯಂಕಗಳು ನಷ್ಟದೊಂದಿಗೆ ಕೊನೆಗೊಂಡಿವೆ. ನಿಫ್ಟಿ ಎಫ್‌ಎಂಸಿಜಿ, ಐಟಿ, ಆಟೋ ಮತ್ತು ಹಣಕಾಸು ಸೇವೆಗಳು ತಲಾ ಅರ್ಧಕ್ಕಿಂತ ಹೆಚ್ಚು ಶೇಕಡಾ ಕುಸಿದಿವೆ. ನಿಫ್ಟಿ ಬ್ಯಾಂಕ್ ಶೇಕಡಾ 0.39 ರಷ್ಟು ಕುಸಿದರೆ, ಖಾಸಗಿ ಬ್ಯಾಂಕ್ ಸೂಚ್ಯಂಕ ಶೇಕಡಾ 0.46 ರಷ್ಟು ಕುಸಿತ ಕಂಡಿದೆ.
5) ಹೆಚ್ಚು ಸಕ್ರಿಯವಾಗಿದ್ದ ಸ್ಟಾಕ್ಸ್‌ (Volume)
ವಾಲ್ಯೂಮ್ ವಿಷಯದಲ್ಲಿ ವೊಡಾಫೋನ್ ಐಡಿಯಾ (42.73 ಕೋಟಿ ಷೇರುಗಳು), ಎಟರ್ನಲ್ (22.5 ಕೋಟಿ ಷೇರುಗಳು) ಮತ್ತು ರಿಲಯನ್ಸ್ ಪವರ್ (16 ಕೋಟಿ ಷೇರುಗಳು) ಎನ್‌ಎಸ್‌ಇಯಲ್ಲಿ ಹೆಚ್ಚು ಸಕ್ರಿಯ ಷೇರುಗಳಾಗಿದ್ದವು.
6) NSEನಲ್ಲಿ 10% ಕ್ಕಿಂತ ಹೆಚ್ಚು ಏರಿಕೆಗೊಂಡ ಷೇರುಗಳು
ಡೆಲ್ಟಾ ಮ್ಯಾನುಫ್ಯಾಕ್ಚರಿಂಗ್, ನೂಪುರ್ ರಿಸೈಕ್ಲರ್ಸ್, ಶ್ರೀರಾಮ್ ಪ್ರಾಪರ್ಟೀಸ್, ಕ್ರೊನಾಕ್ಸ್ ಲ್ಯಾಬ್ ಸೈನ್ಸಸ್, ಗೋದಾವರಿ ಬಯೋರೆಫೈನರೀಸ್, ಸೆಲೆಬ್ರಿಟಿ ಫ್ಯಾಷನ್ಸ್ ಮತ್ತು ಅಪೋಲೋ ಮೈಕ್ರೋ ಸಿಸ್ಟಮ್ಸ್ ಸೇರಿದಂತೆ 13 ಷೇರುಗಳು ಎನ್‌ಎಸ್‌ಇಯಲ್ಲಿ ಶೇಕಡಾ 10 ಕ್ಕಿಂತ ಹೆಚ್ಚು ಜಿಗಿದವು.
7) ಈ ಮೂರು ಸ್ಟಾಕ್‌ಗಳು 9-10% ಕುಸಿತ
ರೇಟ್‌ಗೇನ್ ಟ್ರಾವೆಲ್ ಟೆಕ್ನಾಲಜೀಸ್ (ಶೇಕಡಾ 9.97 ರಷ್ಟು ಕುಸಿತ), ಕಾರ್ಡ್ಸ್ ಕೇಬಲ್ ಇಂಡಸ್ಟ್ರೀಸ್ (ಶೇಕಡಾ 9.50 ರಷ್ಟು ಕುಸಿತ) ಮತ್ತು ಟ್ರಾಕ್ಸ್‌ನ್ ಟೆಕ್ನಾಲಜೀಸ್ (ಶೇಕಡಾ 9.36 ರಷ್ಟು ಕುಸಿತ) ಎನ್‌ಎಸ್‌ಇಯಲ್ಲಿ ಶೇಕಡಾ 9-10 ರಷ್ಟು ಕುಸಿದ ಮೂರು ಷೇರುಗಳಾಗಿವೆ.
8) 100 ಸ್ಟಾಕ್‌ಗಳು ಅಪ್ಪರ್‌ ಸರ್ಕ್ಯೂಟ್, 50 ಸ್ಟಾಕ್‌ಗಳು ಲೋವರ್ ಸರ್ಕ್ಯೂಟ್ ತಲುಪಿವೆ.
ಆದಿತ್ಯ ಬಿರ್ಲಾ ಮನಿ, ಸುವೆನ್ ಲೈಫ್ ಸೈನ್ಸಸ್, ಐಟಿಐ, ಝೆನ್ ಟೆಕ್ನಾಲಜೀಸ್ ಮತ್ತು ಆರ್ಟೆಕ್ ಸೋಲೋನಿಕ್ಸ್ ಸೇರಿದಂತೆ ಸುಮಾರು 101 ಷೇರುಗಳು ಎನ್‌ಎಸ್‌ಇಯಲ್ಲಿ ಇಂಟ್ರಾಡೇ ವಹಿವಾಟಿನಲ್ಲಿ ತಮ್ಮ ಮೇಲ್ಮಟ್ಟದ ಸರ್ಕ್ಯೂಟ್‌ಗಳನ್ನು ತಲುಪಿದವು. ಮತ್ತೊಂದೆಡೆ, ಲಾಯ್ಡ್ಸ್ ಲಕ್ಸುರೀಸ್, ಎಲೆಕ್ಟ್ರೋಥರ್ಮ್ (ಇಂಡಿಯಾ) ಮತ್ತು ಸಗಿಲಿಟಿ ಇಂಡಿಯಾ ಸೇರಿದಂತೆ 51 ಷೇರುಗಳು ಸೆಷನ್‌ ಸಮಯದಲ್ಲಿ ತಮ್ಮ ಕೆಳಮಟ್ಟದ ಸರ್ಕ್ಯೂಟ್‌ಗಳನ್ನು ತಲುಪಿದವು.
9) ಅಡ್ವಾನ್ಸ್ ಡಿಕ್ಲೈನ್ ರೇಶಿಯೋ
ಎನ್‌ಎಸ್‌ಇಯಲ್ಲಿ 1,412 ಷೇರುಗಳು ಏರಿಕೆ ಕಂಡರೆ, 1,462 ಕುಸಿದವು ಮತ್ತು 81 ಬದಲಾಗದೆ ಉಳಿದಿವೆ.
10) 89 ಸ್ಟಾಕ್‌ಗಳು 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿವೆ!
ಎಪಿಎಲ್ ಅಪೋಲೋ ಟ್ಯೂಬ್ಸ್, ಭಾರತ್ ಡೈನಾಮಿಕ್ಸ್, ಸಿಸಿಎಲ್ ಪ್ರಾಡಕ್ಟ್ಸ್ (ಇಂಡಿಯಾ), ಎರಿಸ್ ಲೈಫ್‌ಸೈನ್ಸಸ್, ಐಟಿಡಿ ಸಿಮೆಂಟೇಶನ್ ಇಂಡಿಯಾ, ಮಹಾರಾಷ್ಟ್ರ ಸ್ಕೂಟರ್ಸ್ ಮತ್ತು ಟೂರಿಸಂ ಫೈನಾನ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಸೇರಿದಂತೆ 89 ಷೇರುಗಳು ಬಿಎಸ್‌ಇಯಲ್ಲಿ ಇಂಟ್ರಾಡೇ ವಹಿವಾಟಿನಲ್ಲಿ ತಮ್ಮ 52 ವಾರಗಳ ಗರಿಷ್ಠ ಮಟ್ಟವನ್ನು ತಲುಪಿದವು.
ಇದಕ್ಕೆ ವಿರುದ್ಧವಾಗಿ, ಕಂಟೇನ್ ಟೆಕ್ನಾಲಜೀಸ್, ಬೊರಾನಾ ವೀವ್ಸ್ ಮತ್ತು ಕೆಂಬಾಂಡ್ ಕೆಮಿಕಲ್ಸ್ ಸೇರಿದಂತೆ 26 ಷೇರುಗಳು ತಮ್ಮ 52 ವಾರಗಳ ಕನಿಷ್ಠ ಮಟ್ಟವನ್ನು ತಲುಪಿದವು.